30 ноября 2016 г.
Ноябĕн 14–25-мĕшĕсенче çĕршывĕпех, вăл шутра пирĕн районта та, «Ăçта вилĕм сутнине пĕл-тер» акци иртрĕ. Наркотике хирĕçле мероприятие вĕрентÿ учрежденийĕсем те хастар хутшăнчĕç.
Вăрнарти 1-мĕш шкулта ку енĕпе кашни класрах анлă калçусем йĕркеленĕ. 6-мĕш «Б» класра «Наркотик – хăрушлăх» диспут иртнĕ. Ольга Александровна Птицына вĕренекенсене наркăмăшла çимĕçĕн хăрушă енĕсем пирки каласа ăнлантарнă, ăна пула нумай çамрăк тÿрĕ çултан пăрăннине, вăл вилĕм патне илсе çитернине ăнлантарнă.
– Паянхи пурнăçра ĕçни, чĕлĕм туртни, наркотиксемпе айкашни мар, сывă пурнăç йĕркине тытса пыни модăра, – пĕтĕмлетнĕ ачасем.
Светлана ЧИКМЯКОВА.