30 ноября 2016 г.
Калининăри вăтам шкулта ачасене вулавпа туслаштарас тĕллевпе тĕрлĕ мероприяти йĕркелеççĕ. Коллектив шучĕпе, çакна хăвăртлăхпа вуласси те аван çирĕплетет.
Нумаях пулмасть аслă классенче вĕренекенсем ку енĕпе кĕçĕннисене тĕрĕсленĕ. 1-мĕш класран вулавпа Анна Ананьева, Павел Игнатьев, Костя Никитин, Юля Николаева, 2-мĕшĕнчен Кристина Андреева, Влада Филиппова, 3-мĕш «А» тата «Б» классенчен Арсений Егординов, Дарья Кузьмина, Ангелина Ржанова, Дмитрий Макаров, Игорь Вошняев ытларах туслă пулнине палăртнă.
– Вулакан ача вĕренÿре те аван ĕлкĕрсе пырать. Кам вулать – вăл вăйлă, – палăртать шкул директорĕ Татьяна Ефимова.