Публикации » Ушкăнпа хăтлăх кĕртнĕ

23 ноября 2016 г.

Районăн ветеринари станцийĕн ĕçченĕсем хăйсен вăйĕпе çурта шыв кĕртме пăрăхĕ тата канализаци вырнаçтарма йышăну тунă. Октябрь уйăхĕнчи пĕр хĕвеллĕ кун пурте субботнике тухнă, тавралăха тирпей-илем кĕртнипе çеç çырлахман, траншея та чавнă. Çуртра шыв ăшăтмалли хатĕр вырнаçтарса лартнă. Çăла насус янă. Халĕ шыв аван пырса тăрать. Ветеринари станцийĕн ĕçченĕсем çавăн пекех бухгалтер пÿлĕмне строительсене тара тытмасăр юсанă. Пĕрлехи вăйпа ĕçе кĕске вăхăтра пурнăçлама май килнĕ. Туслă коллектива нимĕнле йывăрлăх та хăратмасть. Вĕсен ĕмĕт-тĕллевĕсем те çутă.  

К.ЮРЬЕВ.