19 ноября 2016 г.
Канаш районĕнчи Çеçпĕл шкулĕнче Çеçпĕл Мишши поэта халалласа регионсем хушшинчи поэзи фестивалĕ иртнĕ.
«Çеçпĕл чĕнĕвĕ» конкурса Калининăри вăтам шкул ачисем те виççĕн хутшăннă. Виççĕшĕ те призлă вырăнсене йышăннă.
6-мĕш класри Стас Ильин Çеçпĕл Мишшин «Чăваш» сăввине вуланă. Ăна иккĕмĕш степеньлĕ дипломпа чысланă.
9-мĕш класри Настя Васильева жюри умне хăй çырнă «Человек-исповедь» сăввипе тухнă, виççĕмĕш вырăн йышăннă.
Женя Ластухина вара Валери Туркайăн «Çеçпĕле» сăввине янраттарса вуланă. Автор хĕрачан илемлĕ вулавне итленĕ хыççăн сцена çине тухса ăна ыталаса саламланă, «Эп хамăн сăвă çавăн пекех хитре тесе шутламан», – тенĕ вăл. Женя ку сăвăпа пĕрремĕш вырăн йышăннă.
С.СВЕТЛОВА.