19 ноября 2016 г.
Районта тĕрлĕ ÿсĕмре волейбол ăмăртăвĕсем пыраççĕ. Чи малтанах кубока хĕрарăмсем выляттарчĕç. Хĕрÿ тупăшусенче чи маттуррисем поселок хĕрĕсем пулчĕç. Иккĕмĕш вырăнта – çĕрпелсем, 3-мĕшĕнче – ДЮСШ команди.
Иртнĕ канмалли кунсенче малти вырăна тухассишĕн арçынсен сакăр команди вăй виçнĕ. Çĕнтерĕве кăçал та Малти Ишек ял тăрăхĕн çамрăкĕсем хĕрÿ туптанă. Иккĕмĕш вырăнта – поселок каччисем, виççĕмĕшĕнче – Ершепуç ял тăрăхĕн çамрăкĕсем.
Юнкун шкул волейбол лигипе хĕрачасен турнирĕ каçченех пычĕ. Тăхăр командăран чемпион ячĕшĕн Вăрнарти 1-мĕш шкулпа Кÿстÿмĕр шкулĕсен хĕрĕсем тупăшрĕç. Икĕ сетра та пĕрремĕшсем пуçтаруллăрах вылярĕç, чылай очко кая хăварса мала тухрĕç. Çапла кÿстÿмĕрсем иккĕмĕш йĕркене, Çĕрпел шкулĕ виççĕмĕш йĕркене йышăнчĕç.
Светлана ЧИКМЯКОВА.