19 ноября 2016 г.
Хуçалăхсен фермисенче выльăх-чĕрлĕхе хĕл каçарма хатĕрленнине тĕрĕслессипе йĕркеленĕ комисси «Знамя» хуçалăха çитсе килнĕ. Кунта мăйракаллă шултра выльăх 163 пуç, вĕсенчен сăваканнисем 70 пуç. Ертÿçĕ çитес çул выльăхсен йышне ÿстересшĕн.
Хуçалăхра сĕт туса илесси малти вырăнта тăрать. Кашни ĕнерен вăтамран 3831 килограмм сĕт суса илнĕ. Сĕт заводне куллен 600 килограмм сĕт ăсатаççĕ. Йывăр ĕçсене механизациленĕ.
Кооперативра обществăлла выльăх-чĕрлĕхе хĕл каçарма апат çителĕклĕ хатĕрленĕ: утă 300 тонна, сенаж 1500 тонна янтăланă.
Выльăхсене лайăх условисенче усраççĕ. Пÿлĕмсем таса. Ферма çурчĕсене шуратнă тата дезинфекциленĕ.
К.ЮРЬЕВ.