12 ноября 2016 г.
Районти тĕп билиотекăна çĕнĕ кĕнекесем килсех тăраççĕ. Вĕсем фонда пуянлатма пулăшаççĕ. Вулакансене çĕнĕ литературăпа тĕплĕнрех паллаштарас тĕллевпе вулав залĕнче «Кĕнекесем – кăçалхи пулăмсем» ятпа библиографи тишкерĕвĕ иртнĕ.
Библиотека ĕçченĕ Елена Арсентьева пухăннисене кăçал кун çути курнă изданисемпе паллаштарнă, ыйтусене хуравланă. Кĕнеке тусĕсем мероприятире çĕннине нумай пĕлнĕ. Вĕсем ÿлĕмрен те библиотекăна килсе çÿреме шантарнă.
Çакна палăртмалла: вулав залĕнче кĕнеке куравне çĕнетсех тăраççĕ. Вулакан тĕрлĕ жанрпа çырнă литературăна алла тытса тишкерсе тухма пултарать. Библиотека ĕçченĕсем вара кашнинпе пĕр чĕлхе тупма пултараççĕ.
К.ЮРЬЕВ.