29 октября 2016 г.
«Аслă Çĕнтерÿ паттăрĕсем – 2017» ятпа Раççейре виççĕмĕш хут литература конкурсĕ иртет. Ăна чи лайăх калав, очерк, сăвă, эпикăллă, историллĕ, çарпа патриотизм туйăмĕллĕ юрă тупса палăртас, Тăван çĕршывăн Аслă вăрçин салтакĕн паттăрлăхне ĕмĕрлĕх асра хăварас, çĕршыв чиккине хÿтĕленĕ Раççей çар çыннисене тата çар ĕçĕсенче мухтава тивĕçнисене хисеп тăвас тĕллевпе йĕркеленĕ.
Конкурс пилĕк тапхăрпа иртет.
2017 çулхи май уйăхĕн 10-мĕшĕччен суйлав тапхăрĕ. Çурма финалистсене июнь уйăхĕн 10-мĕшĕччен, финалистсене июль уйăхĕн 10-мĕшĕччен, çĕнтерÿçĕсене сентябрь уйăхĕн 1-мĕшĕччен палăртĕç.
Авторсенчен чăн пурнăçран илнĕ паттăрăн сăнарне уçса паракан ĕçсене йышăнаççĕ. Хайлавсене пичетре усă курнисене те, халиччен пичетленменнисене те конкурса тăратма юрать. ,çе вырăсла çырмалла, gvp2017@mail.ru электронлă адреспа ярса памалла. Конкурс условийĕсем тĕплĕнрех – www.героивеликойпобеды.рф. сайтра.