26 октября 2016 г.
Шăматкун республикăри тата кÿршĕ регионсенчи, Мускаври кĕрешÿçĕсем Канаш районĕнчи Карăклă ялне пуçтарăннă. Кунта харăсах икĕ турнир иртнĕ.
2000 – 2001 çулсенче çуралнă хĕрсемпе каччăсем хушшинче иртнĕ республика первенствинче Вăрнар спортсменĕсем вунпĕр медаль çĕнсе илнĕ. Пьедесталăн чемпион пусми çине виççĕн хăпарма тивĕçнĕ: Вăрнар каччипе хĕрĕ Дмитрий Львов тата Анастасия Максимова, Кивьял Хапăсри Анастасия Краснова.
Кĕмĕл призерсем пиллĕкĕн: Никита Львов, Милена Федорова (1-мĕш шкул), Малик Кураков (2-мĕш шкул), Максим Крылосов (ял хуçалăх техникумĕ), Руслан Кириллов (Санарпуç).
Çĕрпелти Ангелина Егоровапа Таня Максимова тата Санарпуçĕнчи Дарья Никандрова виççĕмĕш вырăнсене йышăннă.
Пĕр вăхăтрах Чăваш Республикин тава тивĕçлĕ тренерне Геннадий Смирнова асăнса республика уçă турнирĕ пынă. Вăрнарсем унта та палăрнă. Дмитрий Львов тата Пăртасри Семен Семенов пĕрремĕш вырăнсене йышăннă. Çĕрпелти Эвелина Яковлева кĕмĕл, 1-мĕш шкулти Кирилл Лукин бронза призер пулса тăнă.
Ачасем пурте ачасемпе çамрăксен Вăрнарти спорт шкулĕнче Виталий Трофимов, Юрий Львов, Юрий Степанов патĕнче ăсталăха туптаççĕ.
Светлана ЧИКМЯКОВА.