15 октября 2016 г.
Юпа уйăхĕн 5–9-мĕшĕсенче çĕршывăн тĕп хулинчи Халăх хуçалăхĕн çитĕнĕвĕсен куравĕнче «Ылтăн кĕркунне – 2016» выставка иртнĕ.
Ăна Раççей агропромышленноç ÿсĕмне халалланă. Унта Вăрнарти аш-какай комбиначĕ те хутшăннă.
Çак кунсенче комбинат представителĕсем Мускаври куравран 15 медальпе таврăннă: 3 ылтăнпа 9 кĕмĕл тата 3 пăхăр медаль. Чи пысăк наградăна «Семейный» балык, «Вурнарский» шăрттан, «Подмосковская» шейка çĕнсе илнĕ.
Вăрнарти аш-какай комбиначĕ ÿсĕм çулĕпе утать. Ахальтен мар кашни çулах республикăри чи лайăх 100 предприяти – «Агро-100» клуб йышне кĕрет.
Юрий КОРНИЛОВ.