15 октября 2016 г.
Куç курманнисем хушшинче шашка тата шахмат енĕпе иртнĕ Чăваш ен чемпионатне Вăрнарти куç курманнисен обществин тăватă членĕ хутшăннă.
Ытти çулсенчи пекех вĕсем лайăх ăмăртнă. Шахмат турнирĕнче Хурăнсур Çармăсри Евгений Никитин виççĕмĕш вырăн йышăннă.
Шашка сĕтелĕ хушшинче вунулттăн тупăшнă. Вăл шутра пирĕн районтан виççĕн: куç курманнисен вырăнти обществин председателĕ Галина Мясникова, Хурăнсур Çармăсри Алина Иванова та бронза медале тивĕçнĕ.
Ăмăртăва тухма сусăрсене Вăрнар район администрацийĕ пулăшнă. Галина Мясникова ун ертÿлĕхне, çавăн пекех администраци ĕçченне Сергей Политова турнира илсе кайса килнĕшĕн пĕтĕм общество ячĕпе чĕререн тав тăвать.