28 сентября 2016 г.
Тимĕрçкасси ялĕнче пурăнакан Мария Моисеева 90 çул тултарчĕ. Юбиляра çуралнă кунпа район администрацийĕн пуçлăхĕ Леонид Николаев тата Кĕçĕн Кипек ял тăрăхĕн пуçлăхĕ Сергей Волков саламларĕç, район аталанăвне тÿпе хывнăшăн тав турĕç, парнепе чысларĕç.
Мария Моисеевна Тимĕрçкассинче çуралнă. Мăшăрне тăван ялĕнче тупнă. Ачаллах алла çурла тытнă, ашшĕ-амăшĕпе пĕрле уйран татăлман. Вăрçă çулĕсенче вăрмана йывăç хатĕрлеме кайнă. Выççи-сиввине пăхмасăрах нормăна ялан пурнăçланă. Мария Моисеевна хăйĕн пурнăçне тăван хуçалăхпа çыхăнтарнă: фермăра пăрусем пăхнă, лашасенчен те уйрăлман. Мăшăрĕпе тăватă ывăлпа пĕр хĕре кун çути парнеленĕ. Шел пулин те çывăх çыннипе пĕр ывăлĕ пурнăçран иртерех уйрăлса кайнă.
Хальхи вăхăтра вăл Елена хĕрĕн çемйипе пурăнать.