24 сентября 2016 г.
Пирĕн тепĕр ентеш те спортра пысăк çитĕнÿ тунă. Вăрнар каччи, Андрей Львов, спорт туризмĕпе (çуран дистанци) иртнĕ Раççей чемпионатĕнче виçĕ медале тивĕçнĕ.
Иккĕшĕ – ылтăн. Пĕрне Андрей тусĕпе, Сергей Кузнецовпа, пĕрле мăшăррăн дистанцире çĕнсе илнĕ. Тепĕрне ушкăнла тупăшура – Сергей Кузнецовпа, Андрей Беловпа тата Семен Машановпа пĕрле.
Уйрăм зачетра Андрей финиша виççĕмĕш çитнĕ.
Вăрнар каччи халĕ – Çĕнĕ Шупашкарти «Кредо» турклубăн членĕ. Темиçе çул каялла вăл Эльбрус тăвĕ çине те хăпарнăччĕ.
Светлана ЧИКМЯКОВА.