24 сентября 2016 г.
Раççей спорт министрĕ Виталий Мутко спортра пысăк çитĕнÿ тăвакансене хисеплĕ ятсем парасси пирки хушăва алă пуснă.
Чăваш енрен «Раççей спорт мастерĕ» ята виççĕн тивĕçнĕ.
Палăртма кăмăллă – иккĕшĕ пирĕн районтан% Сергей Кириллов тата Анастасия Иванова. Иккĕшĕ те – Пăваялĕнчен. Ирĕклĕ майпа кĕрешес тĕсри пуçламăш утăмсене ачасемпе çамрăксен Вăрнарти спорт шкулĕнче Юрий Григорьевич Львов тренер патĕнче тунă. Республикăри, Раççейри чылай сумлă ăмăртусен çĕнтерÿçисем. Халĕ Шупашкарти 5-мĕш №-лĕ Олимп резервисен шкулĕнче вĕренеççĕ.