24 сентября 2016 г.
Районта кăçалхи сентябрĕн 19-мĕшĕнчен пуçласа октябрĕн 19-мĕшĕччен ялсен территорийĕсене тирпей-илем кĕртессипе санитарипе экологи уйăхлăхĕ иртет.
Хула тата ял тăрăхĕсен пуçлăхĕсен хăйсен территорийĕсенче çак тапхăрта тумалли ĕçсене палăртса хушу кăлармалла. Предприятисемпе учрежденисене тата организацисене хăйсен территорийĕсене, çавăн пекех ял çыннисене урамсене тирпей-илем кĕртес, йывăç-тĕм лартас ĕçе явăçтармалла. Хунавсем туянмалла. Предприятисемпе учрежденисен тата организацисен ертÿçисен çирĕплетсе панă территорисене кашни эрнере тасатса тăрассине йĕркелемелле. Управляющи кампанисен субботникре пуçтарнă çÿп-çапа полигона вăхăтра илсе тухмалла. Тирпей-илем кĕртнĕ территорисене тепĕр хут варалама памалла мар.
В.ГОРБУНОВ,
район администрацийĕн пуçлăхĕн пĕрремĕш çумĕ – ял хуçалăхĕпе экологи пайĕн начальникĕ.