24 сентября 2016 г.
Росреестрăн республикăри управленийĕ çулталăк пуçланнăранпа 922 ял-хулан генеральнăй планĕсене тĕпченĕ.
Кашни ял поселенийĕнче тенĕ пекех, Комсомольски тата Патăрьел районĕсемсĕр пуçне, çитменлĕхсем пурри палăрнă.
Управлени ертÿçи Екатерина Карпеева генплансенче тата куçман пурлăхăн патшалăх кадастрĕнче ял поселенийĕсен чиккисем пĕрешкел пулманнине каланă. Çакă генплана хатĕрленĕ чухне кадастр учетĕнчи параметрсене шута илменнипе, çавăн пекех вĕсене улшăнусене кĕртменнипе çыхăннă. 35 ялăнне вара чикĕсене вуçех палăртман.
– Çулталăк вĕçлениччен тата 800 ытла ял-хулан чиккисене тишкеретпĕр. Муниципаллă пĕрлĕхсен çитменлĕхсене çийĕнчех пĕтерме тăрăшмалла, мĕншĕн тесен – куçман пурлăх кадастрĕ – тăтăшах улшăнса тăракан информаци ресурсĕ, – пĕлтерет Управлени ертÿçи.
С.ЧИКМЯКОВА.