21 сентября 2016 г.
Вăрнарти 1-мĕш шкулта 4-мĕш класра вĕренекен Ю.Орешкинапа Д.Ананьева районта пуçласа Кембридж университечĕн пĕтĕм тĕнчери сертификачĕсене тивĕçнĕ.
Чăваш енрен акăлчан чĕлхин малтанхи шайĕнчи экзаменне иккĕн кăна «пиллĕклĕх» тытнă, вĕсенчен пĕри – Ю.Орешкина. Вăл пухма май пулнă пĕтĕм бала, 15-шне те, пухнă. Д.Ананьеван 12 балл.
Ачасене ют чĕлхене тарăн вĕрентекенĕ – Лариса Григорьевна Артемьева.
Экзамен виçĕ шайпа иртет, виçĕ пайран тăрать: вулав, итлев тата калаçу. Тестсене вăйă мелĕпе йĕркеленĕ. Калаçура ача преподавательпе акăлчанла кăна пуплет.
– Чи кирли ку ĕçре ашшĕ-амăшĕ пулăшса, вĕренекене те, вĕрентекене те хавхалантарса тăни. Пĕрле кăна çитĕнÿсем тума пулать, – тет Лариса Григорьевна.
Светлана ЧИКМЯКОВА.