14 сентября 2016 г.
Сентябрĕн 11-мĕшĕнче, кăнтăр кунĕнче, Вăрнарта пурăнакан 40-ри арçын вырăнти лавкка сутуçине çĕçĕпе хăратса кассăран 7 пин тенкĕ вăрланă. Тепĕр вунă минутран çак мелпех вăл юнашарти лавккаран та 2 пин тенкĕ йăкăртнă.
Полици ĕçченĕсем вăрра суту-илÿ точкисенче вырнаçнă видеоасăрхав камерисене пула тата сутуçăсем вăл хăйсен яланхи клиенчĕ пулнипе палланипе палăртнă. Арçынна йĕрке хуралĕн органĕсем те аван пĕлнĕ, мĕншĕн тесен вăл административлă асăрхавра пулнă.
Полицин «Вурнарский» пайĕн ĕçченĕсем арçын кĕрсе çухалнă вăрмана çавăрса илнĕ. Анчах та вăл хăйĕн çине алă хурассипе хăратнă. Ăна икĕ сехет ытла калаçнă хыççăн тин тытса чарма тивнĕ.
Хăйĕн хăтланкаларăшне арçын хĕршĕн тунă тесе ăнлантарнă: лешĕ ăна килĕштермен иккен.
Вăрра тытса чарнă, ăна 10 çул таран ирĕкрен хăтарма пултараççĕ.