07 сентября 2016 г.
Район администрацийĕн ял хуçалăхĕпе экологи пайĕнчен пĕлтернĕ тăрăх, сентябрĕн 6-мĕшĕ тĕлне районти хуçалăхсенче тырпулăн 99,6 процентне вырса çапнă. Юлашки гектарсем «Кольцовкăпа» «Юнтапа» хуçалăхсен çеç юлнă.
Вырма тапхăрĕнче 46395 тонна тырă çапса тĕшĕленĕ. Вăтам тухăç гектартан 27,7 центнерпа танлашать.
Халĕ çĕрулми кăларас ĕç вăй илсе пырать. Ĕнерхи кун тĕлне «иккĕмĕш çăкăра» районĕпе 126 гектар кăларнă, кашни гектар пуçне 216 центнер тухать. Çĕрулмие «Мураты» хуçалăхра 70 гектар кăларнă.
Районта кĕрхи çĕртме 4260 гектар тунă. Кĕр тыррисем акма 5994 гектар çĕр хатĕрленĕ, 5806 гектар акнă.
Ĕнерхи кун тĕлне утă 6681 тонна (100 процент), сенаж 27327 тонна (173 процент) хатĕрленĕ. Кукурузăна 30 гектар çулса илнĕ.
К.ЮРЬЕВ.