20 июля 2016 г.
Саратовра июлĕн 16–17-мĕшĕсенче иртнĕ Пĕтĕм Раççейри çуллахи спорт вăййисене Чăваш ен пĕрлештернĕ команда йышĕпе вăрнарсем те хутшăннă.
Утă çулакансен нумай енлĕ кĕрешĕвĕнче Раççей спорт мастерĕсем – Вăрнарти Галина Павлова тата Кÿстÿмĕрти Александр Политов командăра иккĕмĕш вырăн йышăннă. Уйрăм зачетра вара ку енĕпе Сашăна çитекен пулман – вăл чемпион ятне илнĕ.
Тепĕр çамрăк – Вăрнарти Сергей Политов Чăваш еншĕн полиатлонра тупăшнă, 6-мĕш вырăн йышăннă.
Каламалла, ку спортсменсем республика чысне Раççей шайĕпе пĕрремĕш хут хÿтĕлемеççĕ. 2010 çулта Тутарстанра иртнĕ çуллахи вăйăсенче те Галя Павловапа Саша Политов иккĕмĕш вырăн, Саша – пĕрремĕш вырăн йышăннăччĕ. 2014 çулта Шупашкарта иртнĕ Раççей ял спрот вăййисенче вĕсем командăпа чи лайăх результат кăтартнăччĕ.
Чăваш спортсменĕсем вăйăсенче 17 тĕсрен 11-шĕнче ăмăртнă.
Светлана ЧИКМЯКОВА.