13 июля 2016 г.
Çемье, юрату тата шанăçлăх кунĕ ячĕпе республикăра икĕ кун тăлăх, ашшĕ-амăшĕн хÿттисĕр юлнă ачасене хăйсен хÿттине илнĕ çемьесен районсем хушшинчи тата республикăри форумĕ иртнĕ.
Çĕмĕрлери форума Вăрнар тăрăхĕнчи ырă чунлă çемьесем те – Мăн Элменти Мураковсем, Элмен Сунарти Фоминсем, Хурăнсур Çармăсри Кузьминсем, Вăрнарти Варламовсем – хутшăннă. Вĕсем концерт программинче те хастар пулнă.
«Çемье ăшши» творчество конкурсĕнче вара Варламовсем çĕнтернĕ. Шупашкарта ачасене йышăннă çемьесене Чăваш ен Пуçлăхĕ Михаил Игнатьев саламланă, пысăк ĕçшĕн тав тунă.