06 июля 2016 г.
Çĕршыври кинематографине социаллă тата экономика енчен пулăшакан федераллă фонд субсиди уйăрнипе Вăрнар поселокĕнче те хальхи вăхăтри çĕнĕ кинозал пулĕ.
5 млн тенке яхăн укçана цифрăллă тата сасă оборудовани, киноэкран, 3D фильмсем кăтартмалли системăна, креслăсем, программа-аппаратура хатĕрĕсене туянма-вырнаçтарма яма пăхнă.
– Районти культура çурчĕ конкурсра федераци пулăшăвне тивĕçни чĕререн савăнтарчĕ. Графикпа çĕнĕ кинозал çĕнĕ çул тĕлне уçăлмалла. Унччен культура çурчĕн залĕнчи пукансене (пĕтĕмпе 345) улăштарĕç, оборудование вырнаçтарĕç, – пĕлтерчĕ культура çурчĕн директорĕ Светлана Журавлева.
Пĕтĕмпе конкурса 76 регионти 810 заявка хутшăннă.
Кинозалсене модернизацилес Раççей программине Чăваш енрен çавăн пекех Сĕнтĕрвăрри тата Çĕрпÿ хулисем те кĕнĕ.
Светлана ЧИКМЯКОВА.