06 июля 2016 г.
АПШн мĕнпур территорийĕнче хыпарсен ячĕсенче хăватлă «Флакка» наркотик çирĕпленнĕ.
Çак наркотик çынсене кăшкăрасси, урса каясси патне илсе çитерет. Препарат ÿт температурине пысăк хăвăртлăхпа 41 градус таран хăпартать, тăрук вĕрилентерсе янипе çынсем тумтире çурса-хывса пăрахаççĕ. Çитменнине, ăссăрла калаçма тытăнаççĕ. Çак наркотике тутаннă çынна тытса чарма тăватă е ытларах полицейски кирлĕ.
«Флакка» хими составĕпе «ванна валли тăварпа» пĕрпекрех. Икĕ наркотик те – метамфетамин ретĕнчи синтетика версийĕсем. Кат (Catha) ÿсентăран Çывăхри Хĕвелтухăçĕнче тата Сомалире ÿсет. Ку облаçсенче пурăнакан çынсем ун çулçисене çăмăл киленÿ пултăр тесе чăмлаççĕ.
«Флаккăн» пĕчĕк дози те çынна «тапратса» ярать, ытларах доза вара нĕртен кăларать. Ку препарата ăнсăртран е пĕлсе тăрсах кирлинчен ытларах тутансан аритми, чунри хумхану, паранойя тата психоз пулать. Чи йывăр эффектсенчен пĕри – ăссăрланни, харпăр хăйпе хуçаланма пăрахни. Мышца тканĕ арканма тытăнать, ун çиппи юна лекет, пÿресене тĕрĕс мар ĕçлеттерет. Инсульт е чĕрене пÿлсе лартасси патне илсе çитерет.
Хальхи вăхăтра Раççейре кунсерен çак наркотикпе тата ун евĕр препаратсемпе çыхăннă 20-шер тĕслĕхе шута илеççĕ. Доза ытларах пулнипе ултă уйăхра 10 çын вилнĕ. Пирĕн республикăра та пĕрреллĕ тĕслĕхсем пулнă.
Николай ТИНЮКОВ,
район тĕп больницин тĕп врачĕ.