29 июня 2016 г.
Республика кунĕ умĕн 2015 çулхи кăтартусемпе республикăри чи вăйлă ĕçлекен 100 хуçалăха палăртнă. Пирĕн районтан унта сакăр ял хуçалăх предприятийĕ кĕнĕ.
Вăрнарти аш-какай комбиначĕ рейтингăн иккĕмĕш йĕркине йышăннă. Николай Аливанов ертсе пыракан предприяти çĕр ĕçĕпе, выльăх-чĕрлĕх ĕрчетессипе ăнăçлă ĕçлет.
Карл Маркс ячĕллĕ хуçалăх пĕлтĕрхинчен виçĕ пункт çÿлерех хăпарнă – 16-мĕш йĕркере. Ертÿçи – Чăваш Республикин ял хуçалăхăн тава тивĕçлĕ ĕçченĕ Валерий Шумилов. Кооператив тĕпрен илсен элита вăрлăх çитĕнтерессипе ĕçлет.
«Агро-100» рейтингра çавăн пекех – «Мураты», «Санары», «Янгорчино», «Кольцовка», «Победа», «Агрохмель» хуçалăхсем. Вĕсене Геннадий Спиридонов, Роберт Петров, Геннадий Романов, Олег Кошкин, Алевтина Семенова, Борис Семенов ертсе пыраççĕ.