29 июня 2016 г.
Республика кунне халалласа «Август» сывлăхпа кану паркĕнче чаплă уяв пулчĕ. Шупашкарти вĕрсе калакан оркестр (ертÿçи Владимир Петров), «INFINITI» хĕлĕхлĕ дуэт, Ольга Пеганова вокалистка тата Чăваш Республикин тава тивĕçлĕ артисчĕ Александр Галин вăрнарсен кăмăлне «чĕрĕ» кĕвĕпе тыткăнларĕç, ырă кăмăл-туйăм парнелерĕç.
Кинофильмсенчи кĕвĕсем, джаз композицийĕсем, юрăсем шăранчĕç. Концерта хăнана чĕнме шутлаканĕ – заводăн вăхăтлăх директорĕ Владимир Яковлев. «Паркри сценăн ĕçлемелле»,– палăртрĕ вăл. Шухăшĕ ăнăçлă – концерт пурне те килĕшрĕ.
Людмила ИВАНОВА.