15 июня 2016 г.
Пĕтĕм Раççейри ял хуçалăх çыравĕччен шутлă кунсем юлчĕç
Ун тĕлне хатĕрленсе çĕршывра тĕрлĕ мероприятисем пыраççĕ.
Ку уйăхра профессионаллă тата фото ÿкерме юратакансен, ача-пăча ÿкерчĕкĕсен тата такмаксен конкурсĕсене пĕтĕмлетеççĕ. Июнĕн 19-мĕшĕнче переписчиксемпе килĕшÿсем çыраççĕ. Июнĕн 27-мĕшĕнче вара ял хуçалăх çыравĕн ыйтăвĕсемпе «вĕри лини» телефонĕ ĕçлеме пуçлать. Пĕрлехи федераллă номер шăнкăравĕсем мĕнпур абонентшăн тÿлевсĕр. Хальхи вăхăтра переписчиксем ятарлă вĕренÿре ăс пухаççĕ.
Пĕтĕм Раççейри ял хуçалăх çыравĕ июлĕн 1-мĕшĕнче старт илет. Переписчиксем кашни киле, кашни хуçалăха çитеççĕ, ял хуçалăхĕн пĕтĕмĕшле лару-тăрăвне хаклама сведенисем пухаççĕ.
Светлана ЧИКМЯКОВА.