04 июня 2016 г.
Иртнĕ эрнере районти тата тăхăр çемье çурт-йĕр условийĕсене лайăхлатма сертификатсене тивĕçрĕç.
Свидетельствăсене тыттариччен район администрацийĕн пуçлăхĕ Леонид Николаев экономикăри кăткăс лару-тăрăва пăхмасăр патшалăх çамрăк çемьесене пулăшнине палăртрĕ. Сертификатпа туяннă, çĕкленĕ хваттер-çурта саккунпа килĕшÿллĕн йĕркелемеллине аса илтерчĕ.
Тăхăр çемьерен 5-шĕ патшалăх пулăшăвĕпе уйрăм çурт çĕклĕç, 4-шĕ хваттер туянĕç. Телейлĕ çемьесем – Мачамăшри Кузьминсем, Хапăсри Петровсем, Çĕньял Хапăсри Давыдовсем, Çĕн Кипекри Григорьевсем, Чалăм Кăкшăмри Петровсем, Туçи Çармăсри Андреевсем, Вăрнарти Никифоровсем, Çĕрпелти Якимовсем, Уйкас Кипекри Шоркинсем.
Светлана Чикмякова.