01 июня 2016 г.
Иртнĕ эрнекун Чăваш наци библиотекинче «Литературăллă Чăваш ен: çулталăкри чи нумай вуланакан кĕнеке» республика конкурсне пĕтĕмлетнĕ. Палăртма кăмăллă, икĕ номинацире пирĕн ентешсен кĕнекисем те çĕнтернĕ.
Улькка Эльменĕн (Ольга Куликован) «Упраймарăм сана...» кĕнеки чăвашла çырнă чи лайăх проза произведенийĕ пулса тăнă. Станислав Отрывановăн «Чужие на своей земле» кĕнеки «Хальхи вăхăтри проза» номинацире çĕнтернĕ. Светлана Гордеева «Корзина с грибами – Карçинккари кăмпасем» ача-пăча кĕнекипе çĕнтернинче пирĕн ентешĕн те тÿпи пур. Куçаруçи – Хăмăшра çуралса ÿснĕ Валерий Кошкин.
Конкурса 2014 тата 2015 çулсенче пичетленсе тухнă 407 литературăпа художество произведенийĕ хутшăннă. Çĕнтерÿçĕсене палăртма 83022 вулакан хушшинче ыйтăм ирттернĕ.
С.СВЕТЛОВА.