21 мая 2016 г.
Май уйăхĕн 15-мĕшĕнче Пĕтĕм Раççейри ял хуçалăх çыравĕн реклама кампанийĕ старт илчĕ. Хальлĕхе виçĕ телероликрен пĕрне курма май килет. Тепĕр иккĕшĕ эфира июнь вĕçĕнче тухĕç. Виçĕ роликĕ те çырав вĕçленичченех экрансем çинчен каймĕç. Радиопа Интернет та аякра юлмĕç, çывăх вăхăтра юлашки çулсенчи анлă статистика асăрхавне хутшăнма чĕнсе калакан баннерсем «çуралĕç».
Реклама материалĕсен шухăшĕ пĕрре – патриотизм туйăмне вăратасси, Тăван çĕршыва, тăван киле, тăван çемьене юратма чĕнсе калани.
Радио валли çырнă аудиозаписьсем – Тăван çĕршыв çинчен калакан сăвăсем. Вĕсене июльте итлеме май пулĕ.
Интернетра реклама кампанийĕ июнь варринче старт илет. Унта анимациллĕ виçĕ баннерпа усă курĕç. Кунтах ял хуçалăх çыравĕн пресс-центрĕн сайтĕнче мĕнпур информацие туллин илме май пулĕ.
Курăмлă агитаци валли плакатсен сакăр шаблон-макетне хатĕрленĕ. Вĕсен аудиторийĕ тĕллевлĕ, фермерсем, уйрăм хуçалăх тытакансем, пахчаçăсем. Кашни плакат çинех çыравăн ятне, эмблемине, слоганне, вĕри лини телефонĕсене вырнаçтарĕç.
Аса илтерме, Пĕтĕм Раççейри ял хуçалăх çыравĕ июлĕн 1-мĕшĕнчен тытăнса августăн 15-мĕшĕччен пырать. Çитме май çук территорисенче çырав мероприятийĕсем сентябрĕн 15-мĕшĕнчен пуçласа ноябрĕн 15-мĕшĕсенче иртĕç.
Чăваш Республикинче статистика шутлавĕ витĕр 633 ял хуçалăх организацийĕ, 3698 фермер хуçалăхĕ, ялсенчи 239072 уйрăм хуçалăх тата хуласенчи 8709 хуçалăх тухмалла.