21 мая 2016 г.
Пĕтĕм Раççейри ял хуçалăх çыравне халалланă «Манăн Раççей» конкурса сăнÿкерчĕксем йышăнма чарăннă.
Пĕтĕм Раççейри ял хуçалăх çыравĕн пресс-центрĕ пĕлтернĕ тăрăх, Чăваш енрен конкурса уйрăмах хастар хутшăннă. Вĕсен тата ытти регионсенчи çынсен ĕçĕсемпе пресс-центрăн сайтĕнче паллашма пулать, htpp,//www.vshp2016.ru/. Çавăн пекех унăн социаллă сечĕсенче те.
«Манăн Раççей» конкурс условийĕпе килĕшÿллĕн çĕнтерÿçĕсене тата призерсене 2016 çулхи çĕртме уйăхĕн 5–31-мĕшĕсенче палăртаççĕ. Пресс-центрăн сайчĕпе усă куракансем сасăланă хыççăн чи пысăк балл пухнă 10 çынна суйласа илеççĕ.
Конкурса хутшăнакансене пулăшма, лайăх сăнÿкерчĕкшĕн сасăлама эсир те пултаратăр. Тен, шăпах сирĕн сасăлав çĕнтерÿçĕсене палăртма пулăшĕ. Аса илтеретпĕр, çĕртме уйăхĕн 31-мĕшĕччен сасăлама юрать.
«Манăн Раççей» конкурса 2016 çулхи утă уйăхĕн 1-мĕшĕнче – Пĕтĕм Раççейри ял хуçалăх çыравĕ пуçланнă кун пĕтĕмлетеççĕ. Çырав кăçалхи çурла уйăхĕн 15-мĕшĕччен пырать.
Светлана ЧИКМЯКОВА.