18 мая 2016 г.
Кам вăл Алена Аршинова? Чăваш суйлавçисемшĕн вăл çĕнĕ ят мар ĕнтĕ. Депутат ĕçĕ-хĕлне республикăра пурăнакансем Алена Игоревнан Чăваш ене çĕршывăн саккун кăларакан тĕп органĕнче пулăшакан ĕçлĕ енĕсене тивĕçлипе хаклама пултарчĕç.
Алена Аршинова партин «Ача сачĕсем – ачасене» федераллă проектне ертсе пырать, Патшалăх Думин вĕрентÿ енĕпе ĕçлекен Комитечĕ çумĕнчи шкул çулĕчченхи вĕрентĕвĕн эксперт канашĕн ĕç-хĕлне тытса пырать, çавăн пекех студентсене, преподавательсене çивĕч ыйтусене татса пама пулăшать.
Вăрттăнлăх мар, Патшалăх Думин пур депутачĕ те хăйсен тивĕçне яваплăхпа пурнăçламасть. Хăшĕсем ларусен залне те килмеççĕ. Кунашкал «лăпкă пурнăç» рецепчĕ А.Аршинова валли мар. «Манран нумайăшĕ депутат ĕçĕ мĕн тума кирлине ыйтаççĕ. Тĕрĕссипе, кунĕн-çĕрĕнхи ĕç. Кунашкал кун йĕркипе тахçанах пурăнатăп, мана çынсене усăллă пулма килĕшет», – тет вăл.
,çĕсем – куç умĕнчех. Вăл федераллă бюджетран Чăваш ене ача сачĕсене çĕклеме тата реконструкцилеме 1,6 млрд ытла тенкĕ явăçтарма пултарчĕ. Çак укçапа 33 çĕнĕ ача сачĕ хута яма май килнĕ. 12 пин ытла чăваш ачине вырăн туса панă, ашшĕ-амăшĕ çăмăллăн сывласа янă.
Сăмах май, Аршинова 2013 çултах ку енĕпе уйăракан субсидисен виçин шутлавĕн методикине улăштарма сĕннĕ. Çакна тĕрĕс тесе палăртнă, çавна май Чăваш ене вăл çулхине 480 млн тенкĕ вырăнне 614 млн тенкĕ килсе çитнĕ.
«Хăш-пĕр регионта эпир ача сачĕн тÿлевне тăрук хăпартса янине палăртрăмăр. Комитет йĕркипе тÿлевĕн уçă методикине çирĕплетрĕмĕр. Халĕ ашшĕ-амăшĕн тÿлевĕ шутне апатлану тата хуçалăхпа йăла нушисен тăкакĕсем кăна кĕреççĕ. Ача сачĕсене те кÿрентермен – вĕсем тупăш çине хуракан налука тÿлемеççĕ. Унсăр пуçне, эпĕ РФ налук кодексне ашшĕ-амăшĕн тÿлевне хушма хак налукĕнчен хăтарасси енĕпе пуçару турăм. Ача сачĕсене Раççей çемйинчи кашни ача çÿреме пултартăр», – палăртать Алена Аршинова.
Тĕрĕссипе, А.Аршинова ача сачĕсене кăна тимлĕх уйăрмасть. Студентсен общежитийĕсенче пурăну хакĕсене ÿстернипе кĕрешет. Вăл тăрăшнипех Чăваш ен ял шкулĕсенчи спорт залĕсене юсас тата реконструкцилес федераллă программăна виçĕ хут лекрĕ. Çапла республикăри 72 шкулти спорт залĕ çĕнелчĕ, çулталăк вĕçĕччен тата 24 юсанмалла.
Çавăн пекех Аршинова депутат çар ĕçĕсен ветеранĕсене, тăлăх тата ашшĕ-амăшĕн хÿттисĕр юлнă ачасене аслă шкулсене вĕренме кĕрес чухнехи çăмăллăхсене сыхласа хăварттарма пултарчĕ.
Ача сачĕсене модернизацилес программа вĕçленме ĕлкереймерĕ, шкулсене çĕклес тата çĕнетес программа старт илчĕ. Эппин, укçана тăкакланине çирĕп асăрхаса тăмалла. Проекта «Единая Россия» парти пуçарнă, Дмитрий Медведев премьер-министр йышăннă. Ку программăпа Чăваш ен шкулсем валли 583 млн ытла тенке тивĕçет. Унпа икĕ шкул çĕклеме тата тăватă шкула реконструкцилеме тытăнмалла.
Алена Аршинова çĕнĕ программăна пула шкулсем çĕнелессине тата хальхи вăхăтри требованисемпе килĕшсе тăрасса шанать. Алена Игоревна вара хăй сăмаххисемшĕн явап тытма пĕлет.