23 апреля 2016 г.
Радиаци аварийĕсен тата катастрофисен синкерне пĕтерме хутшăннисен тата вĕсенче вилнисене асăнмалли куна официаллă календаре Чернобыль АЭСĕнчи инкек хыççăн 26 çул иртсен кăна кĕртнĕ.
Районти социаллă хÿтлĕх пайĕ федерацин саккунĕсемпе килĕшÿллĕн радиаци инкекĕсене тÿснисене (çемье членĕсене) тÿлевсемпе тивĕçтерет. Паянхи куна компенсацие 31 çын илсе тăрать, вĕсенчен 1986 – 1987 çулсенчи ЧАЭС синкерне пĕтерме хутшăннисем – 13, 1988 – 1990 çулсенчи ЧАЭС синкерне пĕтерме хутшăннисем – 7, ЧАЭС синкерне пĕтерме хутшăннисен çемйисен членĕсем – 5, «Маяк» участникĕ – 1, уйрăмах хăрушă подразделени участникĕсем – 5. 2015 çулта вĕсене 1220859,12 тенкĕлĕх, кăçалхи 1-мĕш кварталта 342622,58 тенкĕлĕх компенсаци тÿленĕ.
Ирина СМОЛИНА,
халăха социаллă хÿтлĕхпе тивĕçтерекен районти пай пуçлăхĕ.