Публикации » Пилĕк уйăхран тин çитнĕ

23 апреля 2016 г.

Раççей Перекет банкĕн уйрăмĕ налуксемпе пухăмсем çинчен калакан федераллă саккуна пăснă. Çакна Вăрнар район прокуратури тĕрĕслев вăхăтĕнче тупса палăртнă.

Районти темиçе çын Перекет банкĕн уйрăмĕн операци касси урлă çĕр налукне тÿленĕ. Тÿлевсем çинчен калакан федераллă саккунпа килĕшÿллĕн хывнă укçана (электронлă укçа куçарăвĕсĕр пуçне) банкăн виçĕ ĕç кунĕнчен кая мар куçарса памалла. Анчах та граждансен тÿлевĕсем Раççей Федерацийĕн бюджет тытăмне кассăна хывнă хыççăн пилĕк уйăхран тин çитнĕ. Ку фактпа Вăрнар район прокуратури Раççей Перекет банкĕн Чăваш енри уйрăмĕн управляющийĕ ячĕпе çитменлĕхсене пĕтерме ыйтса представлени тăратнă.

Ильфак МИФТАХУТДИНОВ,

район прокурорĕ юстици аслă советникĕ.