20 апреля 2016 г.
Пуçаруллă, ырă чунлă депутатсем суйлав умĕнхи тапхăрта халăха шантарнă сăмахсене тÿрре кăларма тăрăшаççĕ. Ку енĕпе депутатсен район Пухăвĕн хăш-пĕр депутачĕсене уйрăммăн палăртма пулать.
Рифкат Киметов ак пурнăçăн йывăр лару-тăрăвне лекнĕ çемьесене пулăшу кÿрет. Иван Сандомировпа Владимир Яковлев депутатсен ырă ĕçĕсем пирки те вулакансене пĕлтернĕччĕ.
Иван Александрович кĕркунне поселокри Зеленăй тăкăрлăкри çăла хăтлăлатса панăччĕ. Ун чухнех вăл ку территорири «Мила» лавккаран тытăнса Тракторнăй тăкăрлăк патне çити утма çул хĕррипе электричество юписем лартма пулăшнă. Унччен кунта çÿреме чăнах тĕттĕмччĕ.
Владимир Яковлев нумаях пулмасть Çĕньял Хапăсри «Ивушка» садик ачисене савăнтарнă – виçĕ пысăк михĕ теттесем килсе панă.
С.СВЕТЛОВА.