09 апреля 2016 г.
Сĕнтĕрвăрри районĕнчи Шуршăлта çамрăксен Николаев вулавĕсен республикăри финалĕ иртнĕ. Унта Калининăри вăтам шкулти Н.М.Бударин ячĕллĕ çамрăк космонавтсен «Стриж» отрячĕн членĕсем Луиза Васильева, Анжелика Александрова, Олег Храмов тата Игорь Ситников хастар хутшăннă. Луизăпа Анжелика «Ташлакан спутник» номинацире 2-мĕш вырăн йышăннă.
Шкулти ытти ача та хастар. Настя Васильева «Спасибо космонавтам» сăвă çырнă. София Татарова сийлĕ чустаран «Тĕлĕнмелле вĕçев» композици хатĕрленĕ. Хĕрачасем ку ĕçсемпе «Космос тата ачасем» республикăри конкурссене хутшăнаççĕ.