06 апреля 2016 г.
Вăрнарти 1-мĕш шкулта 5-мĕш «б» класра вĕренекен Дмитрий Вошняев халĕ çутă ĕмĕтпе пурăнать – çитес уйăхра вăл легендарлă «Артек» лагере канма каять.
Хăй калашле «пысăк парнене» вăл кĕнекене юратнипе, произведенисене сасăпа чаплăн вулама пĕлнипе çĕнсе илнĕ. Дима Пĕтĕм Раççейри «Чĕрĕ классика» конкурсăн регионти çĕнтерÿçи пулса тăнă. Жюри умне вăл Татьяна Петросянăн «Записка» прозипе тухнă.
Румия Рашидовна Басырован вĕренекенĕ чи лайăх вулакансен конкурсĕнче районта иккĕмĕш вырăн йышăннăччĕ.
«Артек» лагерьти пурнăç ахаль канупа кăна çыхăнмĕ. Май уйăхĕн 10-мĕшĕнче асăннă конкурсăн Раççейри финалĕ пулать.
Светлана ЧИКМЯКОВА.