06 апреля 2016 г.
Район администрацийĕн загс пайĕнчен пĕлтернĕ тăрăх, виçĕ уйăхра 312 акт çырнă. Вĕсенчен 92-шĕ ачасем çуралнипе çыхăннă. Çут тĕнчене 44 арçын ача тата 48 хĕрача килнĕ. Ку пĕлтĕрхи çак тапхăртинчен 23 ача ытларах.
Ашшĕ-амăшĕ ачисене Кирилл, Роман, Илья, Анна, София, Юлия ятсем ытларах хунă. 21 ача тулли мар çемьере çуралнă. Икĕ ачан амăшĕ 18 тултарман. 24 ача тĕлĕшпе ашшĕлĕхне йышăннă. Март уйăхĕнче 33 ача çуралнă.
Январь–март уйăхĕсенче пурнăçран 150 çын уйрăлнă. Вĕсенчен 80-шĕ арçынсем, вăтам ÿсĕмĕ – 62 çул. Хĕрарăмсен вăтам пурнăç тăсăмĕ 74 çулпа танлашнă. Март уйăхĕнче тĕрлĕ сăлтава пула 57 çын вилнĕ.
Виçĕ уйăхра 21 çĕнĕ çемье çуралнă. Çав вăхăтрах 23 çемье арканнă. Март уйăхĕнче те уйрăлакансем ытларах – 9. Ултă çемье çуралнă.