30 марта 2016 г.
Районта ку шăматкун пулакан пысăк спорт мероприятийĕ – Раççей тава тивĕçлĕ юрисчĕн Вячеслав Яковлевăн тата «Попутчик» парнисене çĕнсе илессишĕн иртекен турнир умĕн Вăрнар кĕрешÿçисем тата тепĕр ăмăртура палăрчĕç.
Етĕрнере В.Кочкова асăнса йĕркеленĕ тупăшусенче пирĕн спортсменсем харăсах тăватă «ылтăн» çĕнсе илнĕ. Чи пысăк пробăллă медале çакнисем: Хурăнсур Çармăсри Эвелина Яковлевапа Наталья Тихонова тата Вăрнарти Никита Львовпа Дмитрий Львов.
Вăрнарти 1-мĕш шкулти Кирилл Андреевпа Юлия Константинова тата Çĕньял Хапăсри Антон Федоров кавир çинче иккĕмĕш результат кăтартнă.
Çĕньял Хапăсри Александр Васильев, Вăрнарти Кирилл Лукин тата Данил Федоров, Санарпуçĕнчи Никита Никандров бронза медальсене тивĕçнĕ.
С.ЧИКМЯКОВА.