Публикации » Хăрушсăрлăх тĕп вырăнта

26 марта 2016 г.

Чăваш ен Пуçлăхĕ Михаил Игнатьев ертсе пынипе терроризмпа кĕрешекен комиссин ларăвĕ пулнă. Унта пăхса тухнă ыйтусенчен пĕри – 2018 çулта тĕнчери FIFA футбол чемпионачĕ вăхăтĕнче усă курма палăртнă Чăваш Республикинчи спорт объекчĕсене террористла ĕçсенчен хÿтĕлесси. Федерацин халăхсем хушшинчи футбол ассоциацийĕ чемпионата хутшăнакансен списокне çирĕплетнĕ, унта 64 команда кĕнĕ. Тренировка базисен йышне Шупашкарти "Олимпийский" тата "Спартак" стадионсене кĕртнĕ. ЧР Пуçлăхĕ масштаблa мероприятисем ирттерес енĕпе Чaваш енĕн опыт пуррине, спортсменсене, хăнасене тата республикăра пурăнакансене хăрушсăрлăхпа тивĕçтерес енĕпе комисси членĕсен ĕç-хĕле лайăх координацилессине пурнăçламаллине палăртнă.