26 марта 2016 г.
Алимент çула çитмен ачасене тытса тăма пулăшать. Çемье арканса кайсан ытларах чухне ачана амăшĕ хăйĕн хÿттине илет. Çавăнпа та унăн унччен пĕрле пурăннă арçынран укçа-тенкĕ шыраса илме ирĕк пур. ,ç укçинчен мĕн чухлĕ тытса юласси миçе ача пулнинчен килет. Шел пулин те, хăшпĕр çынсем, мăшăрĕнчен уйрăлнă хыççăн, алимент тÿлесшĕн мар. Çавăнпа вĕсен тĕлĕшпе пирĕн, суд приставĕсен, ĕç пуçарма тивет. 2015 çулта акă 14 ĕçе пуçартăмăр. Кăçалхи январĕн 15-мĕшĕнчен пуçласа парăмçăсенчен татах та çирĕпрех ыйтатпăр. Унашкаллисене, алимент тÿлессинчен пăрăнакансене, водитель правинчен çулталăклăха та хăтараççĕ халь. Паянхи кун тĕлне 7 парăмçа ятарлă йышăнупа çул çине автомобильпе тухма чарнă.
Çакна калас килет: алимента вăхăтра тÿлĕр. Парăмран пурпĕр хăтăлаймăн.
В.ВАСИЛЬЕВ,
суд приставĕ.