20 февраля 2016 г.
Çемьере çĕнĕ çын хушăнни – пысăк савăнăç, телей. Ашшĕ-амăшĕ пепкене тимлĕх уйăрать çеç мар, унăн пĕтĕмпех пултăр тесе тăрăшать. Кун валли вара вĕсен юратăвĕ кăна çителĕксĕр, укçа-тенкĕ те кирлĕ.
«Август» Фирмăн «Вăрнарти хутăш препаратсен завочĕ» филиалĕнче ача çуратнăшăн пĕр хутчен пособи пама йышăннă. 2016 çултан ун виçи 50 пин тенкĕ таран ÿснĕ. Ку йышăнăва «Август» Фирмăн Правленийĕ 2015 çулхи декабрĕн 23-мĕшĕнче çирĕплетнĕ. Енчен те ашшĕ те, амăшĕ те заводра тимлеççĕ-тĕк, пособие иккĕшне те тÿлеççĕ.
Çулталăк пуçланнăранпа хатĕр продукцисен склачĕн заведующийĕн А.Веденинан, Д.Павлов аппаратчикăн, Д.Фирсов машинистăн, А.Плеханова техслужащин савăнăçлă пулăм пулнă – ачасем çуралнă.
Мещановсен çемйи нумай ачаллă пулса тăнă, халĕ икĕ пиччĕшĕн йăмăк та пур. Кăçал çуралнă хĕрпĕрчин ашшĕпе амăшĕ иккĕшĕ те заводра тăрăшаççĕ: Ольга Владимировна – бухгалтерта, Владимир Алексеевич – машинистра.
Çамрăк ашшĕ-амăшне йыш хушăннă ятпа саламлатпăр.
Людмила ИВАНОВА.