13 февраля 2016 г.
Хĕвел кунран-кун ăшăрах пăхать, çуркунне çывхарса килнине систерет. Аграри организацийĕсенче тимлекенсен çуракине тухăçлă ирттерес тесен вăрлăх пахалăхне пысăк тимлĕх уйăрмалла. Раççей ял хуçалăх центрĕн Вăрнар районĕнчи филиалĕн пуçлăхĕ Анатолий Мураткин пĕлтернинчен çакă паллă пулчĕ. Районĕпе илсен нарăс уйăхĕн 12-мĕшĕ тĕлне акмалли тыррăн 79 проценчĕ ака стандартне тивĕçтерет. 11 ял хуçалăх организацийĕнче хывнă вăрлăх йăлтах кондицие ларнă. Тĕрĕсленĕ тыррăн пĕр партийĕ «Хорнзор», «Кольцовка», «Знамя», «Броневик» хуçалăхсенче ака стандартне тивĕçтермен. Н.Герасимов, М.Максимов, В.Дмитриева, А.Козлов, В. Яковлев фермерсен хуçалăхĕсенче хальлĕхе вăрлăх пахалăхне кирлĕ шая çитермен. Анатолий Мураткин каланă тăрăх, А.Козловпа В. Яковлев фермерсем кăçал пысăк тухăç илме ĕмĕтленеççĕ, паха вăрлăха Карл Маркс ячĕллĕ, «Санары» хуçалăхсенчен туянма палăртаççĕ.
Е. ТОЛСТОВА.