Публикации » Йĕлтĕрсем хатĕр-и?

06 февраля 2016 г.

«Кăçал «Раççей йĕлтĕр йĕрĕ – 2016» массăллă чупăва 1000 ытла çын хутшăнма пултарасси паллă», – терĕ район администрацийĕн культура, национальноçсен ĕçĕсен, физкультурăпа спорт пайĕн пуçлăхĕн заместителĕ Сергей Политов. Ку эрнере ăна хатĕрленсе ирттерессипе йĕркелÿ комитечĕн ларăвĕ пулнă, унта чупăвăн тĕп саманчĕсене пăхса тухнă. «Раççей йĕлтĕр йĕрĕ» пĕлтĕрхи пекех «Химик» стадионта иртет. Трасса кунтан тытăнса çывăхри вăрман тăрăх выртать. /сĕме кура кашниех тĕрлĕ дистанцие чупăва тухĕ. «Старта тухичченхи тĕрĕслев çирĕп пулĕ. Йĕлтĕрçĕсен хăйсене лайăх туйни çинчен медсправка пулмалла», – палăртрĕ Сергей Иванович. Пĕтĕм Раççейри массăллă чупăвăн районти тапхăрĕ февралĕн 14-мĕшĕнче пулать, стартсем 12 сехетре пуçланаççĕ.

С.СВЕТЛОВА.