06 февраля 2016 г.
Туçи Çармăс шкулĕнче тăватă çул каялла йăл илнĕ турнир кунта чылай вăхăт ĕçленĕ физкультура учителĕн Сергей Иванович Александровăн ятне, ĕçне чылайлăха асра хăварма май парать.
Кăçал волейбол тупăшăвне вунă команда хутшăннă. Туçи-çармăссем хăйсем икĕ команда тăратнă. Пĕрин йышĕнче Сергей Ивановичăн ывăлĕ те – Саша – вылянă.
Пĕлтĕр турнир йĕркелÿçисем Çĕнтерÿ Кубокне хăйсен аллинче хăварнăччĕ. Кăçал вăл Çĕрпел çамрăкĕсен аллине куçнă. Иккĕмĕш вырăнта – Канаш районĕнчи Ямаш ялĕн, виççĕмĕшĕнче Малти Ишек çамрăкĕсем.
Светлана ЧИКМЯКОВА.