03 февраля 2016 г.
Эпир, «Ĕç хăрушсăрлăхĕ тата сыхлавĕ» вĕрентÿпе методика центрĕн ĕçченĕсем, çĕнĕ çулăн пуçламăш уйăхĕнче Вăрнарта ертÿçĕсемпе специалистсене ĕç сыхлавĕпе вĕрентÿ ирттертĕмĕр. Вĕсем ятарлă программăпа хăйсен квалификацийĕсене ÿстерчĕç. Занятисене практика тата теори енĕпе пысăк опыт пухнă преподавательсем Н.Иванова, Е.Плахов, В.Кузьмин тата ыттисем ирттерчĕç. Ял тăрăхĕсен пуçлăхĕсемпе пĕрле хуçалăхсен ертÿçисем те, предпринимательсем те вĕренÿ çине пысăк тимлĕх уйăрчĕç. Занятисене йĕркелеме пулăшнăшăн район администрацийĕн пуçлăхне Л.Николаева тата ĕç сыхлавĕн специалистне Д.Константинова тав тăвасшăн.
Вăрнар районĕн ĕçченĕсене, экономикăри йывăрлăхсене пăхмасăр, умри тĕллевсене ăнăçлă пурнăçламашкăн ырлăх-сывлăх сунас килет. Ĕç сыхлавĕн правилисене пăхăнни ĕç тухăçлăхне ÿстерме пулăшасси пирки иккĕленместĕп. Çирĕп пĕлÿ – тивĕçлĕ ĕç условийĕсен никĕсĕ.
Т.НИКИТИНА,
центр директорĕ.