30 января 2016 г.
Паян, 19 сехет те 15 минутра, «Звезда» телеканалпа пĕрремĕш хут эфира çĕнĕ вокал ăмăртăвĕ тухать. Пĕтĕм Раççейри «Новая Звезда» конкурсра 85 регион тупăшать.
Кашни шăматкун 12-шер конкурсант иккĕмĕш тура тухассишĕн ăмăртĕç. Сцена çинче юрлакан кашни çамрăкăн запасра 100 балл. Номер вăхăтĕнче жюрин вăл е ку çитменлĕхшĕн 20-шне катма ирĕк пур.
Тупăшу çивĕч. Пĕрремĕш туртан 44 участник кăна юлать. Жюрире – çĕршывăн паллă çăлтăрĕсем: Максим Дунаевский, Зара, Василий Бархатов, Юрий Николаев, Денис Майданов.
Чăваш Республикин ятне Татьяна Силодорова хÿтĕлет. Эппин, конкурс вăхăтĕнче ентешпе пĕрле пулар.