27 января 2016 г.
Вăрнарти 1-мĕш шкулта 2015 çулхи Литература тата К.В.Иванов çулталăкĕсене ăсатса 2016-мĕшĕнчи Раççей киновĕн тата Ĕç çыннин çулталăкĕсене старт панă.
Вĕренекенсем вырăс классикĕсен сăввисене вуланă. 6-мĕш «Б» класри ачасем Р.А.Павлова ертсе пынипе «Нарспи» поэма, 5-мĕш «А» класрисем С.Маршакăн «12 месяцев», 7-мĕш «В» класрисем Ю.Лермонтовăн «Песня про царя Ивана...» произведенийĕсем тăрăх сценкăсем кăтартнă. 5-мĕш «Б» харăссăн икĕ литература номерĕ хатĕрленĕ, вĕсем А.Пушкин тата А.Твардовский пултарулăхĕпе çыхăннă.
7-мĕш «Б» классен номерĕ кăçалхи çулталăкпа çыхăннă. В.Маяковскин «Кем быть» сăвви ĕç çыннин мухтавлă çулĕнче питех пĕлтерĕшлĕ.
1-мĕш шкулта вĕренекенсем кăçал çакăнпа та уйрăмах мăнаçланма пултараççĕ – вĕсен шкулĕ Социализмла Ĕç Геройĕн Иван Никифорович Никифоров ячĕпе хисепленсе тăрать.
С.СВЕТЛОВА.