27 января 2016 г.
Чăваш енĕн çамрăк хоккеисчĕсем Пĕтĕм Раççейри «Ылтăн шайба» турнира хутшăнма путевка çĕнсе илессишĕн тупăшаççĕ.
Çĕнĕ çул каникулĕнче республикăри 16 хулапа районти 17 шкул команди суйлав турнирĕнче вăй виçнĕччĕ. Матчсем вăхăтĕнче вăтам ÿсĕмри (2003 – 2004 çулсенче çуралнисем) чи вăйлă тăватă ушкăн палăрнă. Вăл шутра – Вăрнар районĕн çамрăк хоккеисчĕсем те.
Çак кунсенче пирĕн спортсменсен Шупашкарти, Патăрьел тата Канаш районĕсенчи командăсемпе выляма тивет. Январĕн 28-мĕшĕнче шупашкарсем вăрнарсемпе «Стадион» пăрĕнче тĕл пулаççĕ.