23 января 2016 г.
Районти культура çуртĕнче клуб ĕçченĕсен семинар занятийĕ иртнĕ. Пĕлтерĕшлĕ мероприятире пĕлтĕрхи ĕç-хĕле пĕтĕмлетнĕ, кăçалхи тĕллевсене палăртнă.
2016 çулта Раççейре Кино, Чăваш енре Ĕç çыннин çулталăкĕ пулнă май район администрацийĕн социаллă аталану пайĕн пуçлăхĕ Ирина Алексеева чылай мероприяти ирттерме палăртнине пĕлтернĕ.
Семинарта районти культура çурчĕн методика кабинечĕн заведующийĕ Марина Самарова, халăх театрĕн режиссерĕ Галина Иванова, Евгений Кудрявцев методист тухса калаçнă.
Семинара килнисем Мăн Явăшри культура çурчĕ çумĕнчи пултарулăх коллективĕн номерне пăхса савăннă.