16 января 2016 г.
Полицин районти пайĕн çула çитменнисемпе ĕçлекен инспекторĕсем пурнăçăн йывăр условийĕсене лекнĕ ачасене тимлĕхрен кăлармаççĕ çеç мар, вĕсене хавхалантарма та тăрăшаççĕ.
Декабрь вĕçĕнче – январь пуçламăшĕнче вĕсем акă республикăра иртнĕ «Полицейски Хĕл Мучи» ыркăмăллăх акцине хутшăнчĕç. Çĕнĕ çул умĕн полици ĕçченĕсем Уравăшри, Вăрнарти виçĕ çемьене çитрĕç, кунта çитĕнекен ачасене уяв асамлăхне туйма пулăшрĕç, пылак парне кÿчĕç.
Пĕр вăхăтрах вĕсем ку çемьесенчи ачасем тĕлĕшпе ырă мар ĕçсем тăвассинчен асăрхаттарса, пепкесене лайăх условисенче пăхма сĕнсе ашшĕ-амăшĕпе профилактикăллă калаçу ирттерчĕç.
Э.ТАТАРОВА,
полицин «Вурнарский» пайĕн
çула çитмен çамрăксемпе ĕçлекен аслă инспекторĕ полици майорĕ.